卿卿隨筆（一）
有位歐洲朋友，兩年前喺我學校交流，因為大家住同一間呵，所以熟絡左。佢每次放假返香港，都會搵我食飯或者飲嘢（如果我喺度），今年都唔例外。
今次佢帶埋佢囡囡過黎，我同佢地周圍去。有一次坐電車，經過好多地方。朋友好興奮咁話佢囡囡知我地以前完日一齊去呢度飲嘢又去嗰度蒲。
依家諗番起，的確，大二嗰年應該係玩得最癲嘅一年。嗰個時候仲未開始認真讀書，成績都幾差。想拿拿臨想完書攞張沙紙就算，冇諗過想讀上去，更冇諗過有能力一次過有幾個獎學金。掛住拍拖陪仔，差唔多個個星期都去蒲，隔一兩個月就出走去其他地方。
嗰年，好癲，真係好癲。
琴晚諗起以前種種，隔左幾個鐘有人搵我。係大二嗰年嘅情人，咁啱佢想問我攞番當年我拍過嘅一段片，想俾朋友睇咁話喎。分開左仲可以傾到計，好似都係得佢一個。然後諗番起有次佢飲醉左傳訊同我道歉，我笑一笑，叫佢快啲去訓。後來佢有新女朋友。有人同我講，一個男仔同另一個女仔開始之前，不其然會諗起以前嗰個。
我唔係男仔，男仔點諗我唔知。我只知道，虧欠過其他人嘅，又點只得佢一個吖。
從前情人好嗎？
Search